ايه الفرق بين الفلتريشن والـ RO ؟
Jan 29, 2025
دليل قبل الشراء
من اكبر الاخطاء اللي بيقع فيها كل الناس في اختيار فلتر لتنقية المياه هي ان الكل بيدور على عدد المراحل ، وده لانهم معتقدين ان كل ما كان الفلتر عدد مراحله اكتر كل اما كان جودته احسن وده مالوش علاقة بالواقع
لما تيجي تختار فلتر لبيتك، فانت محتاج تختار نظام التشغيل المناسب مش عدد المراحل
نظام التشغيل المقصود بيه طريقة التنقية وهي بتكون حاجة من اتنين
الاول وهو الفلتريشن (Filtration) وده الشكل البسيط لتنقية المياه اللي مافيها مشاكل كتير واللي نسبة الاملاح فيها اقل من 200 جزء في المليون (PPM) وكل المشاكل اللي فيها هي شوائب وكلور فقط
ولو عايز تميزه من حيث الشكل فالنوع ده بيكون بدون خزان ومضخة وكهرباء
الثاني هو نظام التناضح العكسي او المعروف بـالـ RO هو الافضل والاغلى لأنه بيتعامل مع كل انواع الملوثات ابتداءا من الشوائب والكلور ورائحة المياه والحاجات الدقيقة سواء البكتيريا أو الفيروسات والميكروبات والاملاح العالية
والنوع ده بيعمل نفس اللي بيعمله الـ Filtration وزيادة عليه انه بيحل مشكلة الاملاح الثقيلة والبكتيريا والميكروبات والفيروسات وبتاخد منه مياه زي المياه المعبئة (بنسب املاح قليلة) وده بيكون مناسب اكتر مع المياه اللي نسبة الاملاح فيها مرتفعة او المياه اللي بتيجي من الخزانات ومناسبة مع أي حد عنده مشكلة صحية ، فلو فيه حد في الأسرة عنده مشاكل على الكلى أو مريض ضغط أو تضرر من المياه اللي بيشربها بسبب ميكروب أو غيره في المياه، فمن الافضل أنه يستخدم فلتر يشتغل بالنظام ده (RO)
ولو عايز تميزه من حيث الشكل فالنوع ده بيكون معاه خزان ومضخة وكهرباء وشمعة RO Membrane
لو استخدمت فلتر مش بيزيل الأملاح الزايدة (بيشتغل بنظام الـ Filtration) والمنطقة اللي انت ساكن فيها نسبة الأملاح للمياه عالية، مع الأسف هتدخل لجسمك مياه مضرة بأملاح عالية وغير مناسبة نهائي لمرضى الكلى 
فكل المطلوب منك تعرف نسبة الأملاح (TDS) المياة في منطقتك وهتعرف منها نوع الفلتر المناسب
ولو مش عارف تحدد ده هنساعدك، قولنا اسم منطقتك في التعليقات وهنساعدك تحجز زيارة مجانية لحد بيتك هنقيس فيها درجة الأملاح TDS الموجودة في المياة ونرشحلك النوع الأنسب سواء هتشتريه مننا أو من أي مكان تاني.
احدث المقالات
فلاتر مصر هي شركة مصرية ذات مسئولية محدودة
رقم التسجيل الضريبي : 880-757-493
القاهرة - جمهورية مصر العربية
